السلام عليكم ورحمه الله وبركاته ,,

اليوم باذن الله حنتكلم عن شهاده مجانيه من جوجل ومعترف بيها عالميا فى التسويق الرقمي

طبعا الشهاده مهمه جدا للاشخاص المهتمين فى مجال التسويق الرقمي وهى سهل جدا عباره عن 26 وحده دراسيه كل وحده فيها درسين او ثلاثه بتتفرج على الفيديو اللى مدته بسيطه جدا لا تزيد عن خمس دقائق وبعدها تحل اسئله الدرس ولما تكمل الوحده تحل اسئله عامه علي الوحده ..بعدها تتنقل للوحده التانيه وهكذا,,,

الاسئله عباره عن اختيار من متعدد و مش صعبه يعنى فى خلال اسبوع ممكن تكون خلصت الدراسه كلها 

والموقع فيه كذا دورة حوالى 19 دورة لكن دورة التسويق الرقمي هى بس اللى ليها شهاده 

مستني ايه شهاده معتمده من GOOGLE وبالمجان وانت فى بيتك مش محتاج غير نت وجهاز كمبيوتر او هاتف ذكى يلا نبدأ الشرح ....

حندخل على GOOGLE ونكتب مهارات من جوجل وحيظهر الموقع ده 



زى ماحنا شايفين الموقع سهل جدا وظاهر امامنا الدورات التدريبيه احنا حنغط على اشتراك وحتظهر الصورة ديه 
نختار تسجيل الدخول عبر جوجل وطبعا لازم يكون عندك ايميل GMAIL 
نكتب الميل والباسورد وبعدها حتظهر الشاشه ديه 
ناخد بالنا كويس جدا ونكتب الاسم بعنايه تامه لان ده الاسـم اللى حيظهر فى الشهاده (سواء باللغه العربيه او الانجليزيه زي ماتحب )

وبعدين نختار الاختيارات سواء بنعم او لا مش حتفرق ونعلم على الموافقه على بنود خدمه GOOGLE ونضغط التالى

وبعدها حتظهر 

مرحبًا بك في موقع "مهارات من Google" 

نضغط البدء ونختار اول دورة حتظهر (اساسيات التسويق الرقمي)

 وبعدها حتظهر الصورة ديه

وطبعا زي مانت شايف كاتبين مميزات الدورة:-
--------------------------------------------------
1-دورة تدريبية معتمدة من "مكتب الإعلانات التفاعلية"
2-فيديوهات تعليمية
3-وصول غير محدود إلى المحتوى
4-شهادة معترف بها دوليًا 

خلاص كل اللى فاضل تضغط بدء الدورة اللى حتفيدك جدا فى حياتك المهنيه واسمع الفيديوهات وحل الاسئله واحصل على الشهاده وانت فى بيتك عن طريق طباعتها فور النجاح.

بالنسبه لحل الاسئله ماتقلقش خالص لو غلط كذا مرة بتاخد فرص كتيره للحل ..

ود بيكون شكل الشهاده اللى بتتبعتلك بعد اتمام نجاح الدورة (ممكن يتغير شكل الشهاده من سنه الى اخرى )

أتمنى اكون شرحت كل النقاط بصورة سهله ومبسطه وياريت تكتب لنا فى التعليق عن تجربتك مع شهاده التسويق الرقمي من جوجل.


وان عجبك الموضوع شاركه مع اصدقائك حتى تعم الفائده ولا تنسي الاشتراك فى المدونه حتى يصلك كل جديد. 

فى امان الله ...


السلام عليكم ورحمه الله وبركاته ,,